Noted 📌

ഇന്നത്തെ തെരഞ്ഞെടുപ്പ് ഫലം ഉയർത്തുന്ന നിരാശജനകമായ ഒരു യാഥാർഥ്യമുണ്ട്...

കഴിഞ്ഞ ഒരു പതിറ്റാണ്ടായി BJP യുടെ വർഗ്ഗീയ അജണ്ടയെ ശക്തമായി എതിർത്തു നിന്നിരുന്ന 3 സംസ്ഥാനങ്ങളായ, കേരളത്തിൽ ഇടതുപക്ഷത്തിനും തമിഴ്നാട്ടിൽ ഡിഎംകെ ക്കും ബംഗാളിൽ ടിഎംസി ക്കും അധികാരനഷ്ട്ടം സംഭവിച്ചിരിക്കുന്നു... അതിൽ തന്നെയും ബംഗാൾ മൃഗ്ഗീയാധിപത്യത്തോടെ ബിജെപി പിടിച്ചെടുത്തിരിക്കുന്നു... സംഘപരിവാറിന്റെ ഹിന്ദുത്വ വർഗ്ഗീയതയെ ചെറുത്തുനിൽക്കാൻ പുതുതായി വരുന്ന ഭരണകൂടങ്ങൾക്ക് കഴിയുമോ എന്ന ആശങ്ക വല്ലാതെ അലട്ടുന്നുണ്ട്... വിജയ് പലപ്പോഴും തന്റെ നിലപാടുകളാൽ താൻ ബിജെപിക്ക് അടിമപ്പെടില്ല എന്ന പ്രതീതി തോന്നിച്ചിട്ടുണ്ട്... കേരളത്തിലും അതേ നിലപാട് തന്നെയാണ് നാം പ്രതീക്ഷിക്കുന്നതും (especially ബിജെപി 3 സീറ്റ്‌ കൂടി നേടിയ സാഹചര്യത്തിൽ).... നേതാക്കൾ പലരുടെയും പൂർവകാല ചരിത്രം ആ പ്രതീക്ഷക്കു കരിനിഴൽ വീഴ്ത്തുന്നുണ്ടെങ്കിലും ഒരു സംസ്ഥാനസർക്കാർ എന്ന നിലയിൽ കേന്ദ്രത്തിന്റെ അവഗണനക്കും മതപ്രീണന നയങ്ങൾക്കുമെതിരെ നമ്മെ മുന്നോട്ട് നയിക്കാൻ അവർക്ക് കഴിയട്ടെ... 

കഴിഞ്ഞ കാലത്ത് നടപ്പിലാക്കിയ വികസനത്തിനും ജനക്ഷേമത്തിനുമുപരി മറ്റു പല ഘടകങ്ങളുമായിരുന്നു ഇത്തവണ ജനത്തിന്റെ പ്രഥമപരിഗണനയിൽ... തുടർഭരണം സ്രഷ്ടിച്ച ആലസ്യവും പാർട്ടിക്കു സംഭവിച്ച ചില പിഴവുകളുമെല്ലാം തിരിച്ചടിയുടെ ആഘാതം കൂട്ടി... ജനവിധി ഇടതുപക്ഷ ആശയങ്ങൾ വിശ്വസിക്കുന്ന ഒരാൾ എന്ന നിലയിൽ പൂർണമായും ഉൾക്കൊള്ളുന്നു... 

ഒരുകാര്യം ഓർമ്മിപ്പിക്കട്ടെ, 

അംഗസംഖ്യയിൽ കുറവാണെങ്കിലും ഗവണ്മെന്റിനെ നേർവഴിക്ക് നയിക്കാൻ കഴിയുന്ന തിരുത്തൽ ശക്തിയാവാൻ ഇടതുപക്ഷത്തിന് കഴിയേണ്ടതുണ്ട്, ഒപ്പം സ്വന്തം പിഴവുകളും തിരിച്ചറിഞ്ഞു തിരുത്തേണ്ടതുണ്ട്, കാരണം ഇടതുപക്ഷമെന്നത് കേവലം ഒരു രാഷ്ട്രീയമുന്നണിയല്ല, മറിച്ച് അതൊരു സാമൂഹിക ക്രമം കൂടിയാണ്... അടിച്ചമർത്തപ്പെട്ടവന്റെയും അനീതി നേരിടുന്നവന്റെയും അരികുവൽക്കരിക്കപ്പെടുന്നവന്റെയും ശബ്ദമായി ഇടതുപക്ഷം എന്നും ഈ സമൂഹത്തിൽ നിലനിൽക്കണം... "അധികാരത്തെക്കാൾ ഏറെ പ്രധാനമാണ് നാം മുറുകെ പിടിക്കുന്ന ആശയം"